á gráu svæði..

..sagði maðurinn þegar hann hafði lesið fantagóðan pistil um mál málanna á spítalanum. honum finnst ég ætti að skrifa hann allan upp á nýtt og gæta tungu minnar. svo einhver bið verður eftir lesningu frá mér í bili. kv d

nýjasta hlátursefnið heima hjá mér er ...

... starfandi forstjóri lsh sem veit ekki um hvað reksturinn snýst og getur ekki sett sig inn í mál þess sviðs sem hún herjar á þessa dagana.  í sjónvarpsviðtali sagði hún að með breyttu vaktafyrirkomulagi verði skurðstofur opnar um helgar og að kvöldi! manninn minn setti hljóðan og kom síðan að máli við mig og spurði mjög alvarlegur, hvar ég væri yfirleitt þegar ég segðist vera á hálfrarsólarhrings vakt ( frá 15:00 að degi til 07:30 morgunin eftir) og þegar ég væri á 12 klst helgarvöktum? hvort ætti hann að taka mark á sinni heittelskuðu eiginkonu til margra ára eða forstjóra fíflinu?

síðan tók nú steininn úr þegar samherjavitleysingurinn sviðstjórinn segðist nú vona að hjúkrunarfræðingar "sæu að sér og kæmu til vinnu aftur". NEI! ég ætla aldrei að sjá að mér, þið þarna útbrunnu gömlu kellingar!

mér finnst svo gott fyrirkomulag hjá fótboltaliðum - þegar liðið stendur ekki undir væntingum og illa gengur almennt  -  þá eru þjálfararnir reknir.... afhverju er það ekki svoleiðis í heilbrigðiskerfinu? þá værum við laus við heilbrigðisráðherra sem þiggur laun fyrir að vera utan þjónustusvæðis og allir þessir sviðakjammar þyrftu að vinna fyrir launum sínum í stað þess að sigla skútunni í kaf!

minni en og aftur á neyðarástand næstu daga - lifðið heil og heilbrigð   kv d

grein í mogganum í dag

ég hef ekki áttað mig á því hvernig ég fæ slóðina á fréttum á síðuna en greinin er á bls 8 í mogga dagsins og skýrir í stuttu máli sem kom frá mér í belg og biðu í gær. hún er skrifuð af trúnaðarmanni skurðhjúkrunarfræðinga á lsh í fossvogi. ég hefði bætt við greinina að anna stefáns (sem heima hjá mér er kölluð hanni stefánsson) er ekkert inni í málum og sést það og heyrist af tali hennar og rugli varðandi vinnuvernd og ESB.

minni fólk aftur á það neyðarástand sem skapast á öllum spítalanum (fossvogi, hringbraut og kvennadeild)  þ. 1 mai nk. og að geislafræðingar eru líka að hætta svo það verður líka neyðarástand á slysó og bráðamóttökunni hringbraut, þar verður ekki hægt að taka röntgenmyndir

passið ykkur og haldið ykkur heima!

kv d

GLEÐILEGT SUMAR ALLIR SAMAN

GLEÐILEGT SUMAR ALLIR SAMAN GLEÐILEGT SUMAR ALLIR SAMAN

PASSA SIG NÚ AÐ SLASAST EKKI - EKKI MIKIÐ

BESTA HEILBRIGÐISKERFIÐ Í HEIMI?

brátt mun ég hætta í vinnu sem skurðhjúkrunarfræðingur á landspítala háskólasjúkrahúsi, með áköfum trega. hvers vegna að hætta þá? ef einhverntíman er tími til að hætta þá er það núna. með mikilli vissu get ég meira að segja sagt við fólk - passa sig ekki fara þarna inn þú lendir bara í veseni, því það er engin þarna inni sem getur hjálpað þér. ég er nefnilega ekki bara ein að hætta heldur níutíuogfimm skurð og svæfingahjúkrunarfræðingar líka. eftir verða uþb tíu hjúkkur á þremur skurð og svæfingadeildum stærsta spítala landsins, spítala sem heldur að hann geti allt án þess að hlutirnir kosti neitt. á mínum stutta og ágæta starfsferli á þessu hæli hef ég aldrei heyrt annað en að hér eigi að SPARA og aftur SPARA og enn að SPARA. hverju hefur það áorkað?  ekki neinu!  þannig er í pottinn búið að vísindum, tækni og getu manna hefur fleytt fram. með því hafa skurðaðgerðir orðið umfangsmeiri og svæfingin (sem er svo nauðsynlegt að hafa með) orðin flóknari fyrir vikið. nú getum við opnað haus og daus á fólki sem fyrir nokkrum árum var ekki hugað líf, bara vegna þess að við, tækniháskólamenntaðahjúkrunarskurðogsvæfingaliðfráháskólaíslandsoglíkaerlendisfrá erum svo vel menntuð og klár. en eitt gleymist sem hugsandi tíu ára barn væri fyrir löngu búið að gera sér grein fyrir - nýjir, flottir, flóknir hlutir kosta peninga, ef maður á ekki fyrir þeim þá eru þeir ekki í boði!

oft og mikið er búið að slá sér á brjóst í heilbrigðisráðuneyti og í efri stjórnunarstigum þessa hælis yfir því hve gott heilbrigðiskerfi okkar er - því við getum gert ótrúlegustu hluti - með ógeðslega dýru dóti, það hefur orðið til þess að við höfum þurft að spara, starfsmenn fá lúsarlaun fyrir háskólagráður í hinu og þessu, grunnþjónustan er farin til helvítis, sjúklingar sofa frammi á gangi, sjúklingar komast ekki að,  sjúklingar þurfa að borga. kerfið er farið að snúast um sjálft sig en ekki sjúklingana!

- það skilur það engin sem valdið hefur að flott og gott heilbrigðiskerfi kostar peninga -

- AF HVERJU ER ÞAÐ FL'OKIÐ AÐ SKILJA?

- HVAÐA HELVÍTIS FOKK ER ÞETTA? ER ÞETTA BESTA HEILBRIGÐISKERFI Í HEIMI?

jú, það getur verið það besta í heimi fyrir þá sem eiga skítnóg af peningum, hinir geta etið sinn eigin skít.

gleðilegt slysalaust sumar, ég kveð mína ástkæru samstarfsfélaga á skurðstofunni í fossvogi með sorg í hjarta og tár á hvarmi.

óþolandi dót

dans og söngvamyndir höfða ekki til allra. þær höfða ekki til mín, ég hata þær. oft vill fleira fara í taugarnar á mér en öðrum finnst eðlilegt. um þessar mundir eru sumir hlutir sem fara meira í taugarnar á mér en venjulega. laugardagslögin, hemmi gunn, valdís óskarsdóttir, auglýsingar frá bónus, heilbrigðisráðherra, sigmundur ernir, geðveikislega dýr barnaföt, gísli marteinn, eðlilegt fólk sem heldur að það skeri sig úr fjöldanum, björgvin halldórsson, útlendingar sem kunna ekki íslensku, íslendingar sem kunna ekki íslensku, arnþrúður karlsdóttir, vinstri grænir, davíð oddsson, ljótir bílar, snjór, hinir bílstjórarnir, vigdís finnbogadóttir, mangó, hlaupanótan, golf, stefna grunnskóla álftaness, uppskriftabækur, taumlaus skógrækt, skíðaferðir, nýji spítalinn, hausverkur, matseld, háskóli íslands, jón ólafur skarphéðinsson, útlendir afbrotamenn, vælutónlist, raunveruleikaþættir, bandið hans bubba, kaldir morgnar, korgur í kaffinu, sviðstjórar, fólk sem veit allt, jólalög, séð og heyrt, reykingarfýla, innistæðulaust kort, haffihaff, fólk sem segist þora, mosi, dýraníðingar, svertingjar með gullkeðjur, drengir í of stórum buxum, ofurhressir menn, flokkað sorp, annarra manna kettir, full bílastæði, íslenskir leikhúsleikarar í bíómyndum, útrunnin matur, skítug klósett, vísindaskáldskapur, maðurinn hennar míu farró og hún sjálf, eldhúsdagsumræður, ískur í hurðum, kastljós, íslenskt réttarkerfi, kertavax, matseld, fólk sem hrækir, kjarabarátta, átak í hinu og þessu, ódýrar lausnir, nefndir, tryggingastofnun, útvarp saga, skólahreysti, stíflað nef, fótbolti, spæsgöls, geirmundarsveifla, þynnka, falsspákonur, martraðir, sértrúasöfnuðir, kristalsljósakrónur, heilbrigðiskerfið, sparnaður, léleg tæki í vinnunni, tímahrak í vinnunni, launaskerðing, siðleysa, sjúklingar á göngum, sjúklingar að bíða, támjóir skór, lygið fólk, sjálfumglatt fólk, fólk sem kann ekki vinnuna sína, fólk sem heldur að það sé ómissandi, fostjóri spítalans, hanni stefánsson, fólk með munninn fullan af vírum, sviðstjórasleikjur og önnur ámóta djöfuls helvítis leiðindi.

hér má eflaust bæta einhverju við en ég er loftlaus akkúrat núna en enganvegin komin með óbragð í munninn. --fooookkkk

það er 21 klukkustund í endurfundi...

... og við erum ennþá í sambandi við jörðina. ég hef lokið innkaupum fyrir samkomuna sem ég stend fyrir áður en veislan sjálf hefst. við erum það sjúk í brennivín og skemmtanir að við verðum að finna fleiri ástæður en bara eina, eða (hálfa kvöldstund eins of sumum finnst) til að hittast. við höfum fyrirpartý og það verður agalega gaman. svo höfum við eftir partý líka svo það sé hægt að skemmta sér í alvöru .

hvaða fokk er þetta?

 félagi minn límonaði segir á síðu sinni að sigur sé handan hornsins í júróvisjon að ári. minnug þess frá liðinni tíð að límonaði er háðfugl af hjarta og sálu, hlýt ég að taka orð hans með vissum fyrirvara. það læðist að mér grunur að fólk kunni ekki skilin á hvað sé fyndið, hlægilegt eða fáránlegt. fyndin maður er líkt og límonaði, sem kemur orðum að hlutunum þannig að það fær fólk til að hlægja hátt og dátt án þess að hann sjálfur sé aðhlátursefnið. hlutirnir í eðli sínu eru fyndnir, td er góður brandari fyndinn og þá er sá sem segir brandarann fyndinn maður. að hlægja að manni er bara dónaskapur líkt og þegar fatlaður maður dettur í drullupoll, það getur verið hlægilegt ef maður er illa innrættur, en aldrei fyndið. líonsei, haffihaff og friðarsúlan eru fyrirbæri sem eru fáránleg, það fer eftir því hvort menn eru í vondu eða góðu skapi hvort upp í hugann kemur "aðhlátur" eða bara geðvonska. oft á tíðum hefur geðvonskan vinninginn og brýst út þannig að á fólk kemur svipur vantrúar, hrista höfuðið, fá kjánahroll, menn setja í brýrnar og segja með sjálfum sér "hvaða fokk er þetta"?  við munum aldrei vinna þessa fokking keppni!!!!!!! (nema hún sé bara fyrir vitleysinga).

það eru 3 dagar í endurfundi..

   og allir að fara á límingunum, líka þeir sem ætla ekki að koma. minn kæri vinur er með mér í anda við undirbúning og tekur þátt í öllum nauðsynlegum áhyggjum sem slík uppákoma hefur í för með sér. heimilisdýrin hafa líka áhyggjur. þau vita ekki hvort þau geti verið heima eða hvort nauðsynlegt sé að þau séu viðstödd svo allt fari vel fram. verst er að geta ekki verið þeim innan handa og róað þau og fullvissað þau um að allt verði nú í lagi og engar áhyggjur að hafa. þetta verður nú bara lítið fjölskylduboð með áhangendum. þau heima trúa mér ekki og vitna í gamlar myndir sem sýna endurfundamenn eins og þeir virkilega voru, og að þeirra mati, eins og þeir eru enþá innst við beinið. þeim finnst gestalistinn ógnvænlegur og fara eins lítið úr húsi og þau komast upp með. heimilisdýrin eru þannig að alltaf er best heima, þó við förum í stuttan göngutúr að morgni er alltaf góð tilfinning á leiðinni heim og best þegar inn kemur. kvíða fer að gæta um hádegi, en þá þarf að fara út í stuttan tíma hvernig sem viðrar, svo það gæti orðið erfitt ef þau að lokum afréðu að verða að heiman næstum allan laugardaginn. ég hef reynt að ræða þetta við þau en það er eins og að tala við sjálfan sig. þau virðast skilja og eru hin blíðustu þá stundina en þegar á hólminn er komið er eins og ekkert hafi áorkast. það er næstum ákveðið að þau fara á hótel um helgina, það er svo alltaf hægt að róa öldurnar næstu daga ef þeim líður illa þegar heim kemur. á meðan nýtur minn kæri vinur aðstoðar fagaðilla í seifhás, engar áhyggjur að hafa af honum, hann verður þar minnsta kosti í 2 vikur og kemur til baka eins og nýslegin.

ekki í boði núna

æhj doldið íþyngjandi undanfarna daga - mér finnst, eins og kærum magnúsi vini mínum, að það sé heilög skylda hvers þess sem kemur sér upp blogg síðu, sé að skrifa minnst einu sinni á dag um eitthvað verulega fyndið og áhugavert. það er ekki í boði núna!