BESTA HEILBRIGÐISKERFIÐ Í HEIMI?

brátt mun ég hætta í vinnu sem skurðhjúkrunarfræðingur á landspítala háskólasjúkrahúsi, með áköfum trega. hvers vegna að hætta þá? ef einhverntíman er tími til að hætta þá er það núna. með mikilli vissu get ég meira að segja sagt við fólk - passa sig ekki fara þarna inn þú lendir bara í veseni, því það er engin þarna inni sem getur hjálpað þér. ég er nefnilega ekki bara ein að hætta heldur níutíuogfimm skurð og svæfingahjúkrunarfræðingar líka. eftir verða uþb tíu hjúkkur á þremur skurð og svæfingadeildum stærsta spítala landsins, spítala sem heldur að hann geti allt án þess að hlutirnir kosti neitt. á mínum stutta og ágæta starfsferli á þessu hæli hef ég aldrei heyrt annað en að hér eigi að SPARA og aftur SPARA og enn að SPARA. hverju hefur það áorkað?  ekki neinu!  þannig er í pottinn búið að vísindum, tækni og getu manna hefur fleytt fram. með því hafa skurðaðgerðir orðið umfangsmeiri og svæfingin (sem er svo nauðsynlegt að hafa með) orðin flóknari fyrir vikið. nú getum við opnað haus og daus á fólki sem fyrir nokkrum árum var ekki hugað líf, bara vegna þess að við, tækniháskólamenntaðahjúkrunarskurðogsvæfingaliðfráháskólaíslandsoglíkaerlendisfrá erum svo vel menntuð og klár. en eitt gleymist sem hugsandi tíu ára barn væri fyrir löngu búið að gera sér grein fyrir - nýjir, flottir, flóknir hlutir kosta peninga, ef maður á ekki fyrir þeim þá eru þeir ekki í boði!

oft og mikið er búið að slá sér á brjóst í heilbrigðisráðuneyti og í efri stjórnunarstigum þessa hælis yfir því hve gott heilbrigðiskerfi okkar er - því við getum gert ótrúlegustu hluti - með ógeðslega dýru dóti, það hefur orðið til þess að við höfum þurft að spara, starfsmenn fá lúsarlaun fyrir háskólagráður í hinu og þessu, grunnþjónustan er farin til helvítis, sjúklingar sofa frammi á gangi, sjúklingar komast ekki að,  sjúklingar þurfa að borga. kerfið er farið að snúast um sjálft sig en ekki sjúklingana!

- það skilur það engin sem valdið hefur að flott og gott heilbrigðiskerfi kostar peninga -

- AF HVERJU ER ÞAÐ FL'OKIÐ AÐ SKILJA?

- HVAÐA HELVÍTIS FOKK ER ÞETTA? ER ÞETTA BESTA HEILBRIGÐISKERFI Í HEIMI?

jú, það getur verið það besta í heimi fyrir þá sem eiga skítnóg af peningum, hinir geta etið sinn eigin skít.

gleðilegt slysalaust sumar, ég kveð mína ástkæru samstarfsfélaga á skurðstofunni í fossvogi með sorg í hjarta og tár á hvarmi.

Athugasemdir

[Guðríður Hrefna Haraldsdóttir, 23.4.2008 kl. 23:05]

Stend 100% með ykkur. Mamma er hjúkka, hætt á vinnumarkaðnum fyrir nokkrum árum, og ég fylgdist með hruni heilbrigðiskerfisins í gegnum hana. Hef einu sinni þurft að leggjast á sjúkrahús í stóra aðgerð og þá var mér (frekar sprautuhræddri) sagt að ég yrði að sprauta mig sjálf með blóðþynningarlyfi daginn fyrir aðgerð ... í sparnaðarskyni. Algjört sjokk ofan á hræðsluna við að það væri kannski eitthvað alvarlegt að.

Þetta er frábær færsla hjá þér og vonandi passar fólk sig vel á því að veikjast ekki eða slasast núna þegar þið eruð hættar. Baráttukveðjur til ykkar!!! 

[Sigrún Kjartansdóttir, 23.4.2008 kl. 23:15]

Ég á eftir að sakna þín:(

 Ég er alveg hoppandi eftir að hafa séð hana Önnu í kastljósinu í gær, að hún skuli dirfast að halda því fram að við nennum ekki að vinna um helgar!!!  Veit ekki betur en að maður sé að vinna allar helgar hvort eð er....hún virðist ekki vera að fatta að þetta eru MIKLAR breytingar, eða þá að hún er að ljúga beint í sjónvarpinu (sem væri ekkert nýtt hjá þessarri yfirstjórn).  Ég erekkert pirruð núna, eða þannig.  En mikið rosalega finnst mér þetta sorglega farið með deildina, sem hefur verið drauma deild, á eftir að sakna vinnufélaganna og skemmtilega móralsins sem var hérna fyrir breytingatilkynningu, snökt.

 En ég hef heyrt af öðrum deildum að það virðist vera að ef að það er einhver deild sem gengur vel, þá þarf að fara að breyta öllu þar.....

Af hverju???